جلسة استنطاق الريسوني.. قاضي التحقيق آمر بالمواجة بين الأطراف

اليوم الاثنين كانت عند الصحافي سليمان الريسوني أول جلسة دالاستنطاق التفصيلي حول تهم متعلقة ب"الاعتداء الجنسي والاحتجاز"، فحق شاب مثلي يدعى محمد آدم، واللي سالات بأمر قاضي التحقيق بالمواجة بين المتهم المشتكى به.
وحسب تدوينة فموقع فيسبوك لمحامي الريسوني، سعيد بوزردة، فهذ الجلسة بدات مع ال11 ديال الصباح، واستمرت 3 دالسوايع، وقال أنه تعرضات على الريسوني الأقوال ديال آدم، اللي كان دلا بيها لقاضي التحقيق فجلسة سابقة فالسيمانة اللي فاتت، وهي الاقوال اللي نفاها الريسوني.
ومن جهة آدم، كيقول المحامي أنه أكد الشكاية ديالو ونيتو فتقديم مذكرة مطالبه المدنية لاحقا عن طريق دفاعو.
وجلسة لتحقيق الجاية، اللي غاتكون فيها المواجهة، غاتجي ف9 شتنبر، وغيمكن يحضرو فيها الشهود.