محامي الريسوني ل"كود": عندنا 24 ساعة باش نطعنو فالحراسة النظرية لموكلي والصحافي ربط اعتقالو بمواقفو ومقالاتو وها اش قال على القضية

أكد المحامي سعيد بوزردة، عضو هيئة دفاع الصحافي سليمان الريسوني، رئيس تحرير يومية "أخبار اليوم"، الموجود رهن الاعتقال الاحتياطي بسجن عكاشة، ل"كود" ان نفسية موكلو بخير. المحامي اضاف ل"كود" "كان متأكد من كلامو وتصريحاتو للشرطة القضائية مرورا بالمثول امام النيابة العامة فقاضي التحقيق.
المحامي قال ل"كود" ان الريسوني "ربط هاد القضية بمواقفه ومقالاته، وباللي نفى كاع اللي تنسب ليه. اي قضية اغتصابو للشاب ادم او هتك العرض بالعنف كيف جات فالاتهام مع الاحتجاز.
وكشف عضو هيئة دفاع الريسوني ل"كود" أن سليمان صرح طيلة مراحل البحث لي تدار معاه أن هاد القضية مرتبطة بمواقف سياسة لا اكثر، مؤكدا بأن المواجهة لي تدارت ليه ما كان فيها حتى شي دليل، وكانت فقط تصريحات وصافي.
وبخصوص واش غادي يتم الطعن في قرار اعتقال سليمان الريسوني، تابع المتحدث ل"كود" "مازال عندنا أجل ديال 24 ساعة ونحن في هيئة الدفاع مزال ماحسمناش هاد المسألة".
وكان قاضي التحقيق لدى محكمة الاستئناف بالدار البيضاء امر بإيداع الصحافي رهن تدابير الاعتقال الاحتياطي بسجن عكاشة في انتظار الشروع في التحقيق التفصيلي حول المنسوب إليه.
أحيل صباح اليوم الاثنين من طرف الشرطة القضائية للدار البيضاء على الوكيل العام للملك لدى محكمة الاستئناف بالدار البيضاء الذي تابعه رهن الاعتقال الاحتياطي وأحاله على قاضي التحقيق٬ بتهمتي هتك العرض بالعنف والاحتجاز" وفق 485 و436 من القانون الجنائي المغربي
اللي بان فهاد التقديم اليوم ان هاداك المحامي عبد المولى المروري اللي هاجم المثليين وحط من ادمتيهم٬ ما حضرش. اي انو ما بقاش محاميه