امتحانات الباك كرهات التلاميذ وأولياء أمورهم.. مادتي الفيزيك والماط دازو مشحرين وكاين اللي شبع بكا والاستقلال نقل هادشي للبرلمان

الدورة العادية لامتحانات البكالوريا شعلات المترشحين والمترشحات وأولياء أمورهم بسبب مادتي الفيزياء والرياضيات لي تحطو مشحرين وصعاب بزاف هاد العام. عدد كبير من المترشحين كاعياو، وطالبو بإعادة هاد جوج مواد.
عدد من المدن والمناطق المغربية عرفات احتجاجات من قبل آباء وأولياء المترشحين والمترشحات حيت ولادهوم وجدو مزيان لهاد الامتحانات لكن تفاجئوا بالصعوبة الكبيرة في مادتي الفيزياء والرياضيات لي أغلب التلاميذ مجاوبو فيها على والو. كاين آباء وتلاميذ شبعو بكا على هادشي.
المستشار البرلماني المنتمي للفريق الاستقلالي للوحدة والتعادلية، حسن سليغوة، طرح هاد المسألة فمجلس المستشارين بحضور سعيد. وزير التربية الوطنية والتكوين المهني والتعليم العالي والبحث العلمي، الناطق الرسمي باسم الحكومة، وأكد سليغوة أن هاد جوج مواد دازو صعاب والآباء بغاوها تتعاود.