كانو دايرين الحجر الصحي فأوطيل فأكادير.. عشرات المغاربة اللي رجعو من تركيا جاهوم تسمم

تصابو العشرات من المغاربة اللي رجعو من تركيا، وكيدوزو الحجر الصحي فاحد فنادق أكادير، (تصابو) بتسمم الغذائي، نقلوا على إثره للمستعجلات فسبيطار الحسن الثاني فأكادير، صباح اليوم الجمعة.
وحسب مصادر محلية، فالممون المكلف بالتغذية فلوطيل اللي نزلو فيه، واللي كيدوز فيه الحجر الصحي، كيتعتبر المسؤول الأول فهذ التسمم اللي وقع.
والحالة ديال المصابين، حسب المصادر نفسها، ماشي خطيرة، وتم وضعهم فالمكان معزول فالمستشفى لتلقي العلاج.