الوضعية الوبائية لفيروس كورونا فهاد 24 ساعة: 333 تصابو و64 تشافاو وواحد مات.. الطوطال: 12969 حالة منها 9090 تعافاو و229 توفاو و3650 مازالين كيتعالجو

علنات وزارة الصحة على تسجيل 333 إصابة بفيروس كورونا المستجد فهاد 24 ساعة الأخيرة، وهكذا وصل عدد المصابين فالمجموع ل12969.
وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن هذ الإصابات الجديدة كتتوزع جهويا على الشكل التالي: طنجة تطوان 125، العيون الساقية الحمرا 64، فاس مكناس 60، كازا سطات 48، مراكش آسفي 25، الرباط سلا 6، ثم كَلميم وادنون 5 حالات، بينما باقي الجهات ماسجلات حتى إصابة.
وتسجلات 64 حالة شفاء اليوم، ووصل المجموع ل9090، بنسبة تعافي د70,1 فالمية.
وتسجلات اليوم وفاة جديدة، ووصل العدد فالمجموع ل229 وفاة، أي بنسبة إماتة د1,8 فالمية.
وارتفع عدد المصابين اللي مازال كيتلقاو العلاج ل3650، 19 منهم فحالة حرجة، كلهم بسبب السن المتقدم أو الأمراض المزمنة أو هما معا.
بالنسبة لعملية تتبع المخالطين، تم اكتشاف عن طريقها91 فالمية من الإصابات ديال اليوم، وصل المجموع ل86334، مازال منهم 12073 مخالط تحت المراقبة.
ووصل مجموع الحالات المستبعدة ل702884 بعد ما خرجات تحاليلهم سلبية.
وهذا التوزيع الجغرافي للإصابات بالنسبة المئوية: