عاجل. لقهاوي والريسطو تبدا خدمتها الخميس ب 50 فالمائة

علمت "كود"، من مصدر مطلع، أن المطاعم والمقاهي غادي تفتح فالمغرب بنسبة ديال 50 في المائة. وحسب مصدر "كود"، فإن هاد المحلات غادي تبدا الخدمة ديالها انهار الخميس المقبل.
كيفاش هاد 50 بالمائة٬ يعني اللي عندو 40 طابلة فالداخل غادي يخدم ب20 طابلة باش يكون التباعد. نفس الشي بالنسبة للمطاعم. وبالنسبة للطيراس غادي يكون بين كل طابلة مسافة. فاسبانيا كانو دايرين جوج ميترو.
بالنسبة للكونتوار يمكن يطبقو اللي كاين فاسبانيا. كل كرسي فكونطوار غادي يكون بعيد بمترو على الكرسي اللي حداه.
طبعا هادو اللي ما غادينش يلتازمو بهاداك الشي اللي غادية تخرجو الدولة٬ غاديين يسدو ليهم مباشرة مع الغرامة
وحسب مصدر "كود" أن السلطات العمومية، ستعلن خلال الساعات المقبلة عن هاد الإجراء اللّي غادي تكون معاه إجراءات صحية، مشيرا ل"كود" إلى أن الحكومة قررت توسيع تدابير التخفيف بالنسبة للمنطقتين 1 و2.
طبعا كاين امور اخرى فهاد المرحلة منها فتح الحمامات والرياضة فالهواء الطلق والبحر وتداريب الاندية ... وكلشي مع احترام التباعد