بقا يطير حتى جاب الربحة.. اعتقال اليوتوبر يوسف الزروالي بتهم النصب والتشهير

قرر قاضي التحقيق فالمحكمة الابتدائية فمكناس متابعة اليوتوبر يوسف الزروالي فحالة اعتقال احتياطي، وتم بالتالي إيداعو سجن تولال.
الزروالي، المتابع بتهم التشهير وتحقير مقرر قضائي والنصب، تحطات ضدو بزاف دالشكايات عند وكيل الملك من طرف مجموعة من المواطنين، كيتهموه بيها باستغلالهم فأعمال إنسانية والنصب عليهم، بالإضافة لشكايات مسؤولين قضائيين اتهموه بالتشهير بيهم.
وتعرف الزروالي بالفيديوهات اللي كيدير فمجال الحالات الإنسانية، كيدعي فيها جمعو للفلوس والتبرعات دالمحسنين للفقراء، وزاد تعرف كثر بهذشي فهذ الفترة ديال الحجر الصحي.