يوتوبوز كتسب ولدها الرضيع بطريقة خايبة.. ونرجس الحلاق: هاد السيدة خاصها تعالج وكتمرر رسائل عنيفة على الأطفال والتربية -تدوينات

يوتوبوز سميتها ماجدة الغماري، كتعيش في تركيا ومتزوجة من تركي ولدات هادي اشهر، والنهار كامل وهي شاعلة التلفون وكتعاير في ولدها لي مازال رضيع، ما عجبهاش صوتو وبكاه وهادشي كتنقلو للناس مباشرة على اليوتوب وانستكَرام.
الكلام ديال هاد السيدة لي كيعبر اما على الجهل ديالها، ولا حالة اكتئاب ما بعد الولادة، استفز الناس ومنهم نرجس الحلاق لي قالت أن هاد اليوتوبورز خاصها تطفي التليفون وتمشي تتعالج بسرعة.
نرجس اعتبرت ان الرسائل المنشورة على حساب هاد اليوتوبورز سيئة وسلبية ومن الممكن، تفهم خطأ من متتبعيها، وتأثر عليهم، لذلك خاصها تمشي تشوف طبيب لانها مريضة نفسيا وتحتاج للعلاج، ومخاصهاش تكون قبالت الكاميرا خاصة في هاد الحالة.
‏