الفنانين المغاربة مواصلين تضامنهم مع السود دميركان من بعد مقتل جورج فلويد .. أسماء لمنور بالقفطان: البشرة الكحلة ماشي جريمة

قضية مقتل جورج فلويد، المواطن الميريكاني من أصول إفريقية من طرف بوليس مينيابوليس، مازال كتحظى بتتبع المشاهر عبر العالم من بينهم نجوم مغاربة.
المغنية أسماء لمنور لي ديما كتفاعل مع الأحداث الوطنية والدولية، نشرات تصويرة ديالها بالأبيض والأسود على حسابها في انستكَرام، ودارت عليها شعار بالانجليزية كيقول "البشرة السوداء ماشي جريمة"، ورفقات الصورة بتعليق فيه بزاف ديال الأصابع في مختلف الألوان، كيدل على التضامن وفبول الاخر رغم لونو او عرقو.
البوسط ديال لمنور تفاعلو معاه كثر من 45 ألف شخص وعلقو عليه أزيد من ألف واحد، وتم تداول الصورة بشكل كبير.