هادو تصطاو وعرضو على "كورونا فيروس". عرس "سري" فالحسيمة سالى فالكوميسارية

بوليس مدينة بني بوعياش بإقليم الحسيمة، شدو لحد اللي فات كثر من 10 دالناس، واتاهموهم ب"مخالفة تدابير الطوارئ الصحية". هادو ما كانوش مقصرين. هادو لقاوهم فعرس سري فشي دار بحي بوسلامة ببني بوعياش.
مصادر محلية قالت، أن البوليس جاتو تبركيكة باللي كاين خيطي بيطي ويمكن شي حد ما قدرش يصبر حتى يفوت عشرة يونيو وضربها بشي تزويجة. البوليس جا يشوف ولقاه عرس. طبعا تشدو كاع اللي كانو معروضين.
البوليس حتى هو عرض عليهم للكوميسارية وتماك النيابة العامة تكلفات بالحراسة النظرية بالمتابعة
واش هادو بعقلهم. فزمن كورونا فيروس وفيهم هاد الزعامة. ما صبروش غير شي ايامات