سارة بلقزيز ملكة جمال المغرب: قلبي كيتقطع على جورج فلويد لي قتلوه البوليس فمريكان – فيديو وتدوينات

قصة قتل البوليس للمواطن الأمريكي جورج فلويد بطريقة عنصرية في مينيسوتا خلات العالم كامل يتحرك، وبزاف ديال الناس عبرو عن حزنهم ورفضهم لتعامل الشرطي لي عفط على راس الضحية بركبتو حتى خرجات منو الروح.
من بين هاد الناس لي هدرو فهلدشي، سارة بلقزيز ملكة جمال المغرب السابقة لي حطات تصويرة جورج في ستوري على حسابها في أنستكَرام، وعبرتات عن حزنها وكتبات "قلبي كيتقطع، وكنفكر في عائلتو والناس لي كيبغيوه".
سارة لي مستقرة في ميريكان سنوات هادي عبرات عن رفضها لمثل هاد التصرفات العنصرية، وطلبات بمعاقبة البوليس لي قتلوه باقصى العقوبات.