لكسر ملل الحجر الصحي.. رجاء بلمير وخوها شراو فريخات -تصاور وفيديو

الخوت المغنيين رجاء وعمر بلمير شراو فريخات هادي سيمانة باش يتلاهاو معاهم ويهرسو الملل لي كيعيشوه في الحجر الصحي لي مفروض هادي شهرين دابا في المغرب للحد من تفشي فيروس كورونا.
رجاء بلمير كشفات البارح في ستوريز على انستكَرام أنها معندهاش مع الحيوانات بشكل عام وأنها مكتقدرش تمسهم ولكن كيونسو في الدار، وخوها عمر هو لي مكلف بيهم.
الخوت حاطين الفريخات في سطح صوبوه هادي مدة باش يدوزو فيه الوقت ديالهم ويهربو من بين الحيوط. وفي نفس البلاصة دارو بلاصة ديال الرياضة.