من بعدما فشل راجل ختها فإبراز موهبتها.. إيمان باطمة رجعات للغنى -فيديو

من بعد ما خوات السوق ديال الغنى، رجعات إيمان باطمة بفيديو جديد كتغني فيه، نشراتو على حسابها في انستگرام.
إيمان، الأخت الصغيرة ديال دنيا باطمة، واخا صوتها لا مقارنة بصوت ختها، كتحاول واخا هكاك تغني وكتحط فيديوهات وكدير كوفرز لبزاف ديال الأغاني.
ايمان باطمة، كان كيراهن بيها محمد الترك راجل ختها، باش يدخلها للمجال الفني بعدما خوات بيه بنتو حلا الترك ولكن فشل في المهمة.
وكانت إيمان سجلات أغاني قليلة تنساو في ساعتهم في استوديوهات في البحرين، ومن تما قررات أنها تبعد على المجال الفني، حتى المؤخرا بدلات رأيها وبغات تعاود تحاول.