النيابة العامة فابتدائية كازا دارت منصة إلكترونية خاصة بشكايات العيالات المعنفات

النيابة العامة فالمحكمة الابتدائية الزجرية فكازا دارت منصة إلكترونية وبريد إلكتروني، باش يحطو العيالات ضحايا العنف شكاياتهم بسهولة، ووضعات رهم إشارتهم أرقام هاتف وفاكس للتواصل.
وحسب بلاغ لوكيل الملك فالمحكمة، حصلات عليه "كود"، قال بللي هذ المبادرة جات بناء على دورية رئيس النيابة العامة الصادرة بتاريخ 30 أبريل 2020، من أجل ايلاء قضايا العنف ضد النساء الأهمية القصوى، "خاصة أن مكافحة العنف ضد المرأة بجميع انواعه يعتبر من أولويات السياسة الجنائية ببلادنا"، حسب تعبيرو.
وغيمكن للعيالات المعنفات الاستفسار على الإجراءات الشكلية المتعلق بالشكايات، فهذ الفترة ديال الحجر الصحي اللي كتعرفها البلاد بسباب فيروس كورونا المستجد.
المنصة الرقمية:
www.pmp.ma:85/index.php?tr=13
البريد الالكتروني:
tpi.cellule.f.e.casa@gmail.com
الهاتف:
06 61 96 11 30
06 61 14 51 81
الفاكس:
05 22 66 38 34
05 22 67 36 06