فيروس كورونا قاس العائلة الملكية فبلجيكا

صرح الأمير البلجيكي لوران، فحوار ليه مع مجلة "هيت نيوزبلاد"، بللي مراتو "كلير" تقاست بفيروس كورونا المستجد، بلا ما تعرف منين جابتو وكيفاش تعادات بيه.
وقال لورين بللي مراتو أصلا مريضة بمرض خطير هذي أكثر من ستة أشهر، وبللي المناعة ديالها كانت ضعيفة فاش تقاست بالفيروس فمارس اللي فات، لكنها قاومات واستطعات تتغلب عليه فالأخير، بفضل العناية ديال الاطباء المتخصصين اللي قابلوها.
وكشف بللي كلير برات دابا من كورونا، لكن مازالة كتتلقى العلاج على المرض ديالها اللول اللي تم التشخيص ديالو فالمراحل الأول، وهو المرض اللي رفض يكشف على نوعيتو.