الكاف طلبات من الجامعة تحديد مصير البطولة وعطاتها مهلة أسبوع باش ترد والقرار في يد الحكومة

الكونفدرالية الإفريقية لكرة القدم صيفطات مراسلة للجامعة كتطلب فيها تحديد مصير الدوري المغربي ديال هاد العام.
الكاف بغات تعرف واش الجامعة غادي تستأنف البطولة، ولا غادي تلغي الموسم بحال اللي دارت اتحادات أوربية هاد السيمانة.
الكاف طلبت كذلك من الجامعة تحديد الاستراتيجية ديالها للمرحلة ما بعد كورونا، وعطاتها مهلة أسبوع باش ترد على المراسلة.
وحسب المراسلة، اللي توصلت بها "كود"، فإن الكاف استفسرت عن مسابقة الكأس، وتحديد كل الأمور المتعلقة بترتيب البطولة وعدد المباريات المؤجلة والمتبقية.
لكن القرار ما غاديش يكون بيد الجامعة، أو رئيسها فوزي لقجع، ولكن غادي يرجع للحكومة المغربية، أي وزارتي الداخلية والصحة، هما اللي غادي يقررو في هاد الحالة اللي منتاشر فيها فيروس كورونا في العلم كامل.