كنازة تدارت فمكناس على واحد مات فجريمة قتل.. تجمعو فيها الناس فعز جايحة كورونا وحالة الطوارئ الصحية – تصاور

في عز حالة الطوارئ الصحية، شجع العشرات من المواطنين بالعاصمة الإسماعلية مكناس، اليوم الثلاثاء، جثمان شي شاب مات فجريمة قتل بشعة، وقعات فشي صداع وقغ بين جوج عائلات بحي سيدي بابا.
وفي غياب السلطات المحلية، التابعة لعمالة مكناس، ناضو الناس كيصليو على الهالك دون احترام التدابير الوقائية التي أوصت بها اللجنة العلمية التابعة لوزارة الصحة، وكذا خرقهم لحالة الطوارئ الصحية.
المهم لكنازة دازت بالدموع وشي كيبكي على شي والناس بلا كمايم وخارقين الطوارئ بحال يلا مكاين حتى شي حاجة. هادشي خاصو تحقيق بطبيعة الحال لتحديد المسؤوليات. تقصير ديال السلطة واضح هنا.
وكان هاد الشاب قد لفظ أنفاسه الأخيرة مباشرة بعد نقله إلى المستشفى الإقليمي محمد الخامس، الذي نقل إليه جراء تعرضه قبل أذان المغرب، أمس الإثنين، لطعنة قاتلة على يد متهم تم توقيفه من قبل البوليس، وإخضاعه لتدبير الحراسة النظرية.