وزارة التربية كتفكر تعطي عطلة للتلاميذ

علمت "كود"، من مصادر مطلعة، أن وزارة التربية الوطنية والتكوين المهني والتعليم العالي والبحث العلمي – قطاع التربية الوطنية، كتفكر تعطي عطلة مدرسية لكافة التلاميذ اللّي متبعين الدراسة ديالهوم منذ تاريخ 27 يناير الماضي =أي قبل "كورونا".
وأكد مصدر من داخل الأكاديمية الجهوية للتربية والتكوين بجهة الرباط سلا القنيطرة، أن الوزارة كتفكر وكتدرس إمكانية منح عطلة مدرسية للتلاميذ باش ترتحهوم شويا، ويدخلو بنفس جديد غادي يمكنهم من استمرار التحصيل الدراسي في أجواء خالية من الضغط اللّي عليهوم فهاد الفترة.
وتوقع المصدر نفسه أن تحدد الوزارة هاد العطل فأسبوع أو 15 يوما على أبعد تقدير، خاصة وأن العديد من الدول دارت هاد المبادرة باش تحفاظ على النفس والدينامية ديال التلاميذ. لكن دبا مزال مكاين حتى حاجة رسمية.