عاجل: مصابين ب"كورونا" تشفاو بعدما دارو غير فترة نقاهة فأوطيل والمدير الجهوي ديال الصحة بفاس مكناس مستقبلهومش -صور

علمت "كود"، من مصدر طبي مسؤول، أن مصابين ب"كورونا" فيروس تشفاو بعدما دارو فترة نقاهة بداخل وحدة فندق تقع بشارع الجيش الملكي وسط مدينة فاس. هاد المصابين كانو دارو التحاليل المخبرية ومني بداو الحالة ديالهوم كتحسن هزوهوم للفندق.
وقال المصدر نفسه ل"كود"، أن هاد المصابين كانو في فترة نقاهة، والمصالح الطبية كانت قد قررت أن تعزلهم عن عائلاتهم بإحدى الفنادق المتواجدة بالمدينة، وبقاو كيخادو الدوا ديالهوم حتى تشفاو بشكل نهائي، وخرجو مساء اليوم الإثنين من الفندق.
هذا خبار زوين بزاف وكيفرح. لكن الموصيبة هي أن المسؤولين ديال وزارة الصحة حتى شي حد فيهم مجا يستقبل المرضى. المدير الجهوي ديال الصحة بجهة فاس مكناس غايب كيف العادة، وصيفط شي وحدا قاليك مسؤولة على التواصل وهي مكتعرف تواصل حتى مع راسها. هاد المسؤول الجهوي خاصو يطير من بلاصتو ف أقرب وقت حقاش راه المنظومة الصحية بالجهة دبا كتاكل لعصا وهو ممسوقتش.
الناس اللي تشفاو خاص يكون استقبال من مسؤولين ف وزارة الصحة باش تهزو ليهوم شويا المورال ديالهوم.