ردو بالكم يا لمغاربة وما تشريوش. فضيحة ل"لارام" طلقو بيع التذاكر ففاتح ماي بلا خبار حتى الادارة وعدو وسط ازمة جديدة

فضيحة فشركة الخطوط الملكية المغربية "لارام". القسم التجاري طلق بيع التذاكر ديالو عبر الانترنيت وكيهدر على اول الرحلات فبداية ماي. "هاد الشي مستحيل. ما يمكنش تكون شي رحلة عادية من المغرب الى الخارج او من لخارج الى المغرب فهاد التاريخ" يشرح مصدر ل"كود".
دابا الدولة المغربية مازال ما قرراتش وقتاش تعلن على نهاية حالة الطوازئ الصحية. اكيد غادية تكون بعد رمضان وحتى بعد هاد التاريخ بحالنا بحال كاع دول العالم غادي يكون التدريج فتحركات المواطنين. يعني هاد الشي ديال "لارام" غير كذوب او شي خطأ طاح فيه المسؤول التجاري او احتيال على لمغاربة. فرضية الغباء هي اللي راجحة.
مرة اخري كيبين السي عدو مدير "لارام" باللي كسوة هاد الادارة كبيرة بزاف عليه.