"كوورنا".. الكذوب والاشاعات كثرات منها: السبوعا غايتساراو ف كازا باش بنادم يتخلع ويدخل لدارو

الأخبار الزائفة على "كورونا" ف المغرب باقي منتشرة، حيث تداول رواد مواقع التواصل الاجتماعي بالمغرب، تسجيلا صوتيا لسيدة تقول فيه بأن "ابنها خبرها بلي غادي يطلقو السبوعا ف كازا باش بنادم يتخلع ويدخل لدارو".
هاد التسجيل لي جا فوقت لي الدولة دارت إجراءات احترازية وطلبات من ناس يدخلو لديورهم.
مصادر "كود" كذبات تسجيل، وقالت :"بلي ميمكنش هادشي ولا يعقل نخرجو السبوعا".
دبا ناس خصها تلتزم بالاجراءات وتبقا ف ديورها، بقات 15 يوم حاسمة ف مواجهة انتشار الفيروس ف بلادنا.