فايك نيوز. رد بالك.. شي وحدين زورو صورة إحصاءات ودارو باللي المغرب هو أكثر دولة تغلبات على "كورونا" وكذبو على الناس

لبارح نشطاء على مواقع التواصل الاجتماعي روجو بشكل كبير صورة لإحصاءات كتقول بللي المغرب جا على رأس قائمة الدول اللي استطعات تتغلب على فيروس "كورونا" المستجد.
لكن هذ الإحصاءات غير كذوب، الإحصاءات الأصلية وردات فموقع Deep Knowledge Group، وكتقول فالأصل بللي إسرائيل هي أكثر دولة قادرة تتغلب على الفيروس، لكن المغاربة حيدو إسرائيل، ودارو فبلاصتها المغرب، على أساس أن هو اللي جاي اللول عالميا فهذشي، لكن هذشي غير كذوب.
باش تتحققو كثر، "كود" جابت ليكم الصورة الأصلية دالإحصاءات والصورة المفبركة، الصورة المفبركة نسبوها لقناة TF1 الفرنسية، لكن الإحصاءات فالأصل تنشرات فقناة i24news الإسرائيلية، والناطقة باللغة الفرنسية.