ديرو كمايمكم وبقاو فالدار راه كورونا كدور.. وصلنا ل1838 : 126 توفاو و210 تشافاو

علنات وزارة الصحة، صباح اليوم الثلاثاء فالبوابة الرسمية لفيروس كورونا المستجد فالمغرب، على تسجيل 75 جديدة بالفيروس، باش يوصل العدد الإجمالي ديال المصابين ل1838 مصاب.
بالنسبة للوفيات، فالرقم ماتغيرش وبقى هو هو من الستة دالعشية دلبارح، واللي هو 126 وفاة.
وغير هذ الصباح، تسجلات 7 حالة شفاء جديدة، وبلغ عدد اللي تشافاو 210 فالمجموع.
وبناء على هذشي، فراه كاينة 1502 حالة كتتلقى العلاج فالسبيطارات، إلى استثنينا حالات الشفاء والوفيات.
ولحد الساعة، كاينة 7771 حالة تستبعدات إصابتها بالفيروس، بعد إجراء تحاليل مخبرية خرجات سلبية.
وما حطات الوزارة، فالبوابة ديالها لحد الساعة، حتى شي معطى بخصوص توزيع الإصابات على مستوى الجهات.