بقاو فديوركم راه الإصابات بكورونا كيتزادو نهار على نهار. وصلنا ل1746 حالة.. 120 ماتو و196 تشافاو

علنات وزارة الصحة، صباح اليوم الإثنين فالبوابة الرسمية لفيروس كورونا المستجد فالمغرب، على تسجيل 85 جديدة بالفيروس، باش يوصل العدد الإجمالي ديال المصابين ل1746 مصاب.
بالنسبة للوفيات، اليوم تزادو 2 وفيات جديدة، وبلغات الحصيلة دالوفيات 120.
وغير هذ الصباح، تسجلات 19 حالة شفاء، وبلغ عدد اللي تشافاو 196
ولحد الساعة، كاينة 7206 حالة تستبعدات إصابتها بالفيروس، بعد إجراء تحاليل مخبرية خرجات سلبية.
وهذا هو التوزيع ديال الإصابات بالفيروس حسب الجهات:
بني ملال خنيفرة: 49
كازا سطات: 501
درعة تافيلالت: 77
الداخلة واد الذهب: 2
فاس مكناس: 230
كَلميم واد نون: 1
العيون الساقية الحمرا: 4
مراكش آسفي: 343
الجهة الشرقية: 108
الرباط سلا القنيطرة: 239
سوس ماسة: 24