وكالة أ.ف.ب زادت اكدات الفايك نيوز: التصويرة لي بارطاجاو لمغاربة فيها أن المغرب هو رقم واحد فالبلدان الاكثر امانا فزمن كورونا غير كذوب

وكالة الانباء الفرنسية، دارت مقال كتكذب فيه الصورة اللي تداولوها بزاف ديال المغاربة وبينهم مسؤول التواصل فوزارة الصحة حفيظ الزهري.
الصورة اللي كانت كتبين الدول الاكثر امانا من فيروس كورونا اتضح حسب الوكالة، أن قناة TF1 الفرنسية ماعندها علاقة بيها، وأن الزهري وامثاله كيبارطاجيو الفايك نيوز.
وزادت الوكالة أن النسخة الاصلية من هاد الصورة كانت فيها اسرائيل مكان المغرب، وأن شي منظمة سميتها "ديب نووليدج كروب" هي لي نشرات هاد اللائحة وكتنشر لوائح أخرى، رغم أنها ماشي شي منظمة كبيرة أو معروفة عالميا.
المقال الاصلي:
https://factuel.afp.com/non-le-maroc-ne-figure-pas-en-tete-dun-classement-des-10-pays-les-plus-surs-face-au-covid-19?fbclid=IwAR0If_Z6jwfc2IbW31nuk3vBCawR2JU8Tj7zouRjWNZvNKmJ4Un1xtgzfMg