الحجر الصحي فزمن كورونا.. الفلوكَر حمادة شروقات دار برانك لمو وهي تبدا تبكي حيت تخلعات -فيديو

في فترة العزل الصحي استهلاك الفيديوهات ولا بطريقة كبيرة وحتى صُناع المحتوى ولاو كيديرو فيديوهات باش يفوجو على راسهم وعلى الناس لي متابعينهم، ولكن بعض المرات الضحك كيخرج بنتيجة عكسية وهادشي لي وقع مع الفلوكَر حمادة شروقات.
حمادة لي كيصوب فيديوهات في اليوتوب وعندو عدد ديال المتابعين لابأس به دار برانك للام ديالو، وفي الأخير خلعها وبدات كتبكي.
الفكرة خداها من عند فلوكرز معروفين گور، ودار حمادة مقرونية خضرة في فمو وقال المو عنقي ضارني وملي مساتو هرس المقرونية بسنانو وتسمع صوت بحالا هرسات ليه عنقو... مو تخلعات وطاح منها النص، وواخا طبعا الهدف ماكانش يبكيها ولكن داكشي لي وقع.
الفيديو تشاف خلال نهار واحد كثر من 300 ألف مرة، وبزاف ديال الناس خداو منو الفكرة لي هو ناقلها، وبداو كيديرو فيها.