المغنية “سوما” شادة الطوندونس المغربي بعدما دات ليها شريكتها “دينا” لاشين يوتوب – فيديو

المضاربات والمعاطيات في العالم الافتراضي كيعطيو النتيجة ديالهم عند شي وحدين. وهادشي لي وقع مع المغنية “سوما” لي كتغني داكشي ديال “الواي واي”.
سوما كانت مع صاحبتها دينا فالديو المعروف ب”سوما دينا” أو “سرحانيات”، لكن تضاربو وتفارقو وكل وحدة شدات طريقها بالسبان والمعاطية والبكا، بعدما خدات “دينا” لاشين يوتوب المشتركة وبدلات ليها المودباس وولات ديالها، وهادشي لي خلا “سوما” تهدد بالقضاء باش تاخد حقها.
ومن بعد 3 ديال السيمانات عامرين بالسبان والقصف أرض جو، سوما دارت أغنية سميتها “تليفون” وحطاتها في لاشين يوتوب ديالها، وبيها قدرات تشد الطوندونس في المغرب.
المعلقين شجعوها، وقدرات تربح تعاطف الناس حيت ملي كانو مضاربات كانت كتحط ستوريات وهي كتبكي.