شوهة مهرجان مراكش.. ابتسام مومني ما ممثلة ما مخرجة ماوالو وكدوز فالطابي روج يوميا وكدير لايف فانستكَرام من وسط قاعة عرض الأفلام

مهرجان السينما ديال مراكش خاص لي يوقف عليه مزيان ويتعرفو لمن كيتعطاو هاد الدعوات وشكون لي كيدوز من الطابي روج، حيت المهزلة لي ولينا كنشوفو عام على عام مابقا فيها مايعجب.
ابتسام مومني لي ضربات لراسها الطر العام لي فات وقالت انها ماكتعرفش شكون كيعرض عليها واخا هي ما ممثلة ما مخرجة ومعندها علاقة بالفن، رجعات هاد العام بكل ثقة وكدوز فالسجادة الحمراء يوميا، مع العلم أنها فانستكَرام عاطياها غير للسبان والمضاربات والمعاطية.
الشوهة فهادشي أن السيدة داخلة تفرج في فيلم وطالقة لايف في انستكَرام مجمعة فيه مع المتابعين لي عندها. دابا واش هادشي ماشي حشومة.