ماكيحشموش.. المدارس الخاصة فالعيون كيراسلو الناس باش ايخلصو وخا لقراية حابسة

الأزمة اللي كاينة مع كورونا كلشي خايف منها ومتركن، وخايف من تابعاتها وعواقبها اللي ماشي محسوبة، إلا هاد المدارسديال لبريفي لي كالو الناس، وكلاو رزقهم وردو بالتعليم إلى الوراء.
فبعد البلاغ لي صدراتو الجمعية الأم ديالهم، لي طالبت من خلالو باش يستفادو ماديا من الصندوق الخاص بكورونا، جا الدور على المدارس بريفي فالصحرا، لي وخا لقراية واقفة فالمدارس وطرونسبور ماخدامش بسباب كورونا، وفالمقابل الإذاعة والتلفزيون واتصالات المغرب مساهمين فنقل الدروس، ولكن هوما بغاو يتخلصوا من الناس.
هاد المدارس ومسؤوليهم، ماعارفينش بلي الناس أغلبيتهم مابقاوش كيخلصوا، وكاين لي ساهم بجزء من خلاصو لصندوق الخاص بكورونا بشكل تطوعي، لي هوما بغاو منو شي حصيصة.
وفي تصريح لأحد أولياء الأمور، قال صحيح بلي المؤسسات الخاصة عندها مصاريف وكتخلص اساتذة، ولكن على الأقل يقدروا الظروف ديال أولياء وأمهات التلاميذ، ويميكوا كيف مادايرة معاهم الدولة، لي مخلياهم يدخلوا لفلوس بزايد دون حسيب ولا رقيب.