ف 3 أيام.. فنانين ومشاهير ساعدو 100 عائلة بفضل تبرعات الناس لي وصلات للملاين -تصاور وفيديو

المغنية والممثلة كريمة غيث وفات بالكلمة ديالها باش تساعد العائلات المحتاجة في هاد الوضعية الصعبة لي كيدوز منها المغرب بسبب فيروس كورونا، وذلك بمساعدة بزاف ديال المشاهير بحال المنشطة زينب صابر، والممثلة فاطمة خير، والاعلامية هند بومشمر، والممثلة زينب عبيد واللائحة طويلة.
خريجة برنامج "ذا فويس" ديال تركيا تكلفات ب100 أسرة خلال مدة 3 أيام بعدما وصلوها التبرعات بالملايين في حسابها الرسمي، والمستفيدين كانو في نواحي مراكش وكازا والرباط وسلا.
كريمة لي مشهورة بتمثيلها في مسلسل "سر المرجان" قدرات تجمع 3 مليون في 12 الساعة، وأكدات أن القفة الواحدة لي فيها الأساسيات كتقام بثمن ما بين 500 و 700 درهم، وشجعات الناس باش يتعاونو.
المبادرة لقات تفاعل كبير وشجع ناس آخرين باش يساعدو العائلات المحتاجة.