بدر هاري وعائلتو فجزر المالديف.. ومراتو دافين روماني مهتمة ليه بالماكلة ديالو -تصاور

البطل المغربي بدر هاري دوز سيمانة في جزر المالديف مع مراتو الهولندية دافين روماني وبناتو، وارتاحو وبعدو على الستريس ديال الحياة.
مرات بدر مباشرة بعدما رجعو البارح الثلاثاء لدارهم في هولندا عبرات عن فرحتها حيت رجعات للطبخ لي كتعشق ولي كتشارك فيه وصفات صحية مع المتتبعين ديالها.
البارح خصصات بوسط طويل باش تدوي فيه على عصير مفيد وصحي وفي نفس الوقت كيحمي من الفيروسات لي منتشرة بزاف مؤخرا، وطلقات تحدي ديال شرب العصير الخضر لي مصوب من “الكيوي والخيار والربيع والحامض والتفاح” وأكدات أنها غادي تبقا تحط العصير يوميا في ستوريز ديالها حتى يدخل فصل الربيع.
أول الداعمين ديالها طبعا هو بدر هاري لي كتب ليها تعليق فيه “أنا معاك 100%”. وأكدات دوفين أنها ستمتعات بزاف في مالديف، وحطات تصاور ديالها مع راجلها وآخرين بوحدها.