ماكدو وكوكاكولا ودانون وسيدي علي امتا غادي تعاونو المغاربة المحتاجين ؟

ففرنسا و دول اخرى، بزاف دالشركات دالمنتوجات الغذائية و الريسطورات عاونو فئات من الشعب ديالهم، سواء بقفف ديال المونة و لا الماكلة الي واجدة عندهم و ماغايستعملوهاش. خاص مجموعة شركات المياه المعدنية دولماس تعاون و تفرق قراعي سيدي علي فابور على المغاربة الي فالحاجة، كوكاكولا كذلك، لافوندا، الكوتوبية و كل الشركات الكبرى المصنعة للمواد الغذائية. حنا كليان ديالكم العام كله، و غانبقاو ملي تسالي هذه الأزمة، بغيناكم فهاذ الظرف تعاونوا الناس الي غايتحبس لهم الدخل، الطيب معاشو الي خدام غير نهار بنهاره، السربايا دالقهاوي، الطيابات دالحمام و أي واحد معندوش دخل. توجد الماكلة و تفرق للناس الكبار الي معندهم لاحنين لارحيم. الطبقة الهشة دالبلاد هي الأولى بالمساعدات! ماشي من حقنا نسدُّا علينا بابنا و نخلّيهم بلا مساعدة.