بسباب “كورونا”.. “موروكو مول” تسد ابتداء من اليوم وها للي غادي يبقى مفتوح

“موروكو مول” تسد ابتداء من اليوم الأربعاء 18 مارس مع 6 ديال العشية، وماغايتحل حتى لإشعار آخر.
هذ القرار تاخداتو إدارة “المول” فإطار تتبع نظام اليقظة اللي دارو المغرب باش يحد من انتشار وباء كوفيد-19، وإثر التدابير الجديدة اللي اتخذتها اليوم وزارة الداخلية والصحة، واللي دعات المغاربة باش يتجنبو التنقل للاماكن العمومية إلا للضرورة القصوى.
وأكدات إدارة “المول”، بللي السوبير مارشي والفارماسي د”المول” غايبقاو حالين باش الناس يجيو يتقصاو المواد الغذائية وكَاع المنتوجات الضرورية، وغايبقاو محتارمين شروط السلامة الصحية.
بالنسبة للباركينكَ، إدارة “المول” كتعلم المواطنين بللي الباركينكَ الخارجي غايبقى محلول، لكن اللي لداخل غايتسد.