الكلاخ.. اليوتوبوز أسماء بيوتي دايرة اللهطة على الماكلة واخا الدولة قالت ان المواد الغدائية موجودة -فيديو

أسماء بيوتي كتروج أفكار ماصالحاش وسط الناس والمشكل متبعها أكثر من مليون شخص في قناتها في اليوتوب.
هاد السيدة لي كتقول على راسها مؤثرة، صورات فيديو باينة فيه اللهطة على المواد الغذائية من مراكز التسوق وضربات الكوفر ديال الطوموبيل بالتقدية وكتقول درت ما دارو الناس عوض تگلس توعي عباد الله لي متبعينها ودير التأثير ديال بالصح، وتفسر ان السلطات المعنية قالت ان المواد الغدائية موجودة ولاداعي لاحتكار الاكل.
هاد الناس خاص يوقفو على حدهم، ويوقف معاهم هاد التخلف والكلاخ المتفشي في المجتمع، حيت راهم كيهدمو جهود عظيمة للدولة وللمواطنين الواعيين.