كادوات دنيا باطمة من راجلها ساوية ملايين صحاح.. وبزاف نتاقدوها على تصوير الثمن الخيالي!

المغنية دنيا باطمة شرا ليها راجلها البحريني محمد الترك كادووات فيهم صنادل وصبابط وكساوي وحتى طوموبيل مازيراتي. وحطات دنيا هاد الهدايا كاملة على حسابها الشخصي فانستگرام، والمتتبهين ديالها انتاقدوها بزاف حيت صورات حتى ثمن الكسوة.
في الصورة لي حطات باطمة كيبان صبع راجلها شاد تيكي ديال الكسوة ومصور ليها ثمنها. الناس سولو عدة أسئلة منها، واش الناس كتقول قيمة الكادو؟ وواش الناس ملي كيجيهم الكادو كيوريو ثمنو للآخرين….
باطمة من حقها دير لي بغات في صفحاتها في الانترنت ومن حقها تصور او ماتصورش هي حرة، وكشخصية عمومية من حق حتى المتتبعين ديالها يعطيو رأيهم، وحسبهم كسوة بالملايين ماشي في قدرة الجميع خصوصا هي لي كتقول انها مع الشعب ومنو وفيه، اذا يمكن كان خاصها تحتارم مشاعيرو.