فايك نيوز: فيديو لشخص طايح ف الأرض رجعوه فيه كورونا والنيابة العامة دخلات على الخط

انتشر خلال الساعات القليلة الماضية شريط يظهر فيه شخصا طايح ف الأرض بشارع محمد السادس في مدينة فاس، ويزعم صاحب الشريط الذي كان على مثن سيارة أن هاد السيد فيه فيروس “كورونا”، ويؤكد أن مدينة فاس سجلات أول حالة.

صاحب الفيديو مشا بعيد فلكذوب ديالو وكيطالب الناس باش ميخرجوش من المنازل ديالوهم، مدعيا أن السيد اللي طايح ف الأرض فيه كورونا فيروس. وفهاد الفيديو باينة سيارة إسعاف تابعة للوقاية المدنية.

مصدر موثوق أكد ل”كود”، أن هادشي كولو كذوب فكذوب ومعندو حتى شي أساس من الصحة، موضحا أن الأمر يتعلق الامر بشخص مريض بالشارع العام بدون سكن قار رفض التوجه الى المستشفى و غادر عين المكان.