“داعش” مابقاتش تآمن بقضاء الله ونسات الجهاد.. قيادات التنظيم كتحذر أتباعها من الذهاب لأوروبا خوفا من “كورونا”

كيبان بللي أعضاء تنظيم الدولة الإسلامية ماكيآمنوش بقضاء الله وقدرو مزيان، أو ممكن مازال ما قدرو يتيقو السلوكَية اللي طالقين على البشر من زمان، واللي كتتعلق بنصرة الله ليهم ووقوفوا فجنبهم ضد “الكفار”، وهاوما دابا فخير يامهم ولاو يخافوا من فيروس “كورونا” كورونا، ونساو الجهاد فسبيل الله.
من بعد سنوات والقيادات ديال تنظيم داعش كتأمر الأتباع ديالها باش يهاجمو الدول الأوروبية، وينفذو فيها أعمال إرهابية، دابا طلبات منهم باش يبقاو بعاد منها قدر الإمكان، بمجرد تحول لقارة إلى منطقة موبوئة بسباب الفيروس.
فتوجيه داعش لأتباعها اللي بقاو حاصلين فأوروبا فنشرة “النبأ”، قالت بللي خاص اللي دخل لشي دولة أوروبية يبقى فيها، وخصوصا إلى كان مرض أو تقاس بالفيروس.
وبالحرف قالت فالنشرة: “اللي صحاح ماخصهمش يدخلو لأرض الوباء، واللي فأرض الوباء ماخصومش يخرجو منها”، قبل ما ترجع وتتناقض مع راسها وتقول: “هذ الوباء بحال الطاعون، كيسلطو الله لمن بغا”