المصايب مازال تابعة دنيا باطمة.. نصابة خرجات في أكادير كتقول أنها المحامية ديالها فقضية “حمزة مون بيبي”

هاد المصايب لي تابعة دنيا باطمة ما بغاتش تسالي، وآخرها واحد الأخت نصابة كتقول للناس أنا المحامية ديال دنيا وكنترافع عليها في قضية “حمزة مون بيبي”.
المحامية المزورة وكيف ما قالت مصادر ل”كود”، ساقت ليها دنيا لخبار، وبيه فيه كلفات المحامي ديالها باش يرفع عليها دعوة انتحال صفة ودابا البوليس كيقلبو عليها.
دنيا هاد الايام من موصيبة لموصيبة بسبب تورطها في ملف حمزة مون بيبي لي كان متخصص في الابتزاز والتشهير والسب والقدف ديال المشاهر، ودابا هاهي طالعة هابطة للمحاكم عوض ماتقابل سهراتها ودخل الفلوس.