وزير الصحة كيخاف. سولاتو “كود” على اهانة ابو زعيتر ليه ولناس الصحة فابن سينا عطانا هاد الجواب =فيديو=

وزير الصحة كان هاد الصباح فالبرلمان. كان كيهدر على “كورونا فيروس”٬ سولاتو “كود” بعد ما سالى عرضو على فضيحة اقتحام بوكسور اسمو ابو زعيتر لمستعجلات المستشفى الجامعي ابن سينا بالرباط هاد السيمانا فرد “اللا اللا هاد الشي خارج “كورونا”.
الله يا ودي يا سي الوزير وانت وزير بعقلك وكتعرف خدمتك راك عارف انو داخل ف”كورونا” الف فالمائة. داخل حقاش تصرف هاداك الطاىش اهانة لكاع مستخدمي الصحة العمومية. ثم انو اتهم هاد العاملين من اطباء وغيرهم بالرشوة فوقت وزارتك وانت ادرى٬ محتاجة لكاع هاد الاطر وكتخاطر بحياتها بسباب هاد الفيروس.
هاد الشي بلا ما نهدرو ان هاد البوكسور قال وكلامو خطير انو فمهمة وهاد الشي عندو علاقة ب”كورونا فيروس” وجا يشوف. يعني دير خدمتك انت يا الوزير.