الامير مولاي هشام محتافل بعيد ميلادو ال56 بتصويرة كيبوس فيها فرس النهر – تدوينة

حط الأمير هشام العلوي، فالصفحة ديالو الرسمية على موقع التواصل الاجتماعي “فيسبوك”، صورة نادرة ليه، بمناسبة عيد ميلاده ال 56، اللي كيحتافل بيه اليوم الأربعاء 4 مارس.
وقال الأمير بللي هو فرحان بنشر هذ التصويرة اللي كيبغيها، واللي كان التقطها فدجنبر الماضي فاش كان برفقة جوج ديال الدراري الصغار فحديقة ففلورينسا فإيطاليا، واللي فيها هذ تمثال فرس النهر اللي مصور معاه وبايسو فحنكو.
وقال مولاي هشام بللي داك النهار بقاو الدراري (اللي فعمرهم 8 و 10 سنين) مصرين باش يتصور وهو كيبوس هذ الشخصية المعروفة فعالم “ديزني”.
وكشف بللي عاد اليوم صافطوليه الدراري هذ الصورة كهدية لعيد ميلادو، وهو الشيء اللي فرحو بزاف، وقال “الإنسان مزيان يكون متصالح مع ذاتو وميتوقفش من المتعة”.