فيديو لبوليسي فمكتبو بفاس خلى الخدمة وقلبها تجويد القرآن. مصدر ل”كود”: مكان العبادة هو الجامع ماشي الخدمة

فيديو لبوليسي من الهيئة الحضرية بالمنطقة الأمنية الأولى فاس المدينة، انتاشر هاد اليومين ومحيح فالمشاهدات. فيه بوليسي بالكسوة كيجود القرآن فمكتبو. “كود” سولات. وفق مصدر فالفيديو هادي شهورا باش دار. تصور ف2019.
المصدر قال ل”كود” باللي بلاصة قراءة القرآن او ترتيلو او تجويدو هي الجامع او الدار ماشي الخدمة. وذهب الى ان هاد البوليسي ما كانش على صواب. شي صاحبو قال ل”كود” باللي هاد الشي جا عفوي.
عفوي ومسجل ما بقات عفوية. والخدمة هي الخدمة
نفس المصدر قال ل”كود” باللي هاد الفيديو سبقو شي فيديو آخر لشرطي ينتمي بدوره للهيئة الحضرية بولاية أمن المدينة. حتى هو بالكسوة كيقرا القرآن فشي سطاصيون .