الزين ولاطاي.. أسماء لمنور طلقات زينها في شوتينكَ جديد بعيدا على القفطان–تصاور

الفنانة أسماء لمنور دارت شوتينكَ جديد وهاد المرة بلوك جديد.
مولات أغنية “تبسم” حطات الصور على حسابها في انستكَرام وحظات ببزاف ديال الإعجاب من متتبعيها.
أسماء بعدات هاد المرة على اللباس التقليدي لي كتبان به في مختلف حفلاتها، واختارت كسوة فالغوز، ولبسات خواتم مرصعين بدياموند عمرات بيهم يديها.
أسماء لي بعيدة على الصداع والمشاكل لي كيتخبط فيهم الوسط الفني مركزة على خدمتها وحفلاتها في الخليج خصوصا السعودية لي ما بقاتش كتخرج منها بقوة السهرات.