حبل الكذوب قصير.. أمال صقر بغات تكبر بمسلم وهي تحصل قيطي

صفحة في فايسبوك كتحمل اسم الممثلة أمال صقر حطاتها في موقف لا تحسد عليه. الصفحة لي فيها 96 ألف متابع حطو صورة ديال الممثلة لابسة فيها مجوهرات ومكتوب عليها “شكرا زوجي حبيبي”.
ولأن حبل الكذوب قصير بعض المتخصصين في التبركَيكَ جبدو تاريخ التقاط الصورة من الصفحة الانستكَرامية ديال مول ذهب وتأكد أنها مصورة في 2017.
بزاف ديال المعلقين انتقدو الممثلة حيت حطات تصويرة قديمة على أساس جديدة باش تلفت الانتباه، والبعض أكد أن الأمر كيتعلق بحساب وهمي.
من بعد ما داعت صورة، أمال حطات بوسط في انستكَرام كتقول أن الصفحة ماشي ديالها، وأنها غير كتستغل شخصيتها.