واقيلا جاه “كورونا”.. البابا فرانسيس تروح ترويحة خايبة ولغى القداس فروما – فيديو

البابا فرانسيس جاه الرواح، الأربعاء اللي فات، خلاه يلغي القداس اللي كان عوال يديرو فعاصمة الطاليان روما، وهذشي بعدما كان خرج بتصريحات كيتضامن من خلالها مع المصابين بفيروس “كورونا” المستجد، من بعد ما انتشر فمختلف دول العالم عامة، والطاليان خاصة.
وبان البابا فالقداس، ففيديوات انتشرات بشكل كبير، كيسعل ويعطس بالجهد ويمسح فنيفو، قبل ما يخرج ويمشي بحالو من الكنيسة اللي كان منظم فيها القداس.
وفبلاغ للفاتيكان على مرض البابا فرانسيس، قال بللي هذي مجرد نزلة برد بسيطة، وبللي البابا المرض رغمو على تأجيل القداس ومحتاج يرتاح شوية هذ الأيام، فالوقت اللي كان مخطط يعلن على بداية “الصوم الكبير”، ويحتفل فكنيسة القديس “يوحنا لاتيران” مع رجال الدين فالعاصمة الإيطالية.
وكيخطط فرانسيس لاستئناف النشاط ديالو فالخميس الجاي، لكنه مابغاش يبعد بزاف على لوطيل اللي عايش فيه “سانتا مارتا”.