رفيق بوبكر عطى لمتتبع عيب عليه حيت كيقول ديما “سير تقود”: هاد العبارة ماشي عيب.. راها فالعربية كتعني غير تنقص للحاجة من قيمتها.. ودابا سير تقود نيت -فيديو

الممثل رفيق بوبكر كان ضيف في واحد البرنامج كيدوز في الانترنت، كيقراو فيه المشاهر التعاليق ديال المتتبعين وكيجاوبهم.
واحد من المعلقين كتب لرفيق بوبكر “هاد خونا كيعرف يقول غير سير تقود في الأفلام”، وهو يجاوبو أن الكلمة ماشي عيب وشرح ليه بالتفصيل، واضاف “سير هي Marche وتقود جات من تُقوِد الشيء، اي كتنقص ليه من قيمتو، وهادشي الا رجعنا العربية الكلاسيكية”.
وملي شرح الكلمة، كمل وختم رفيق بوبكر للمعلق وقاليه: “ودابا سير تقود نيت”.