ها شكون نوض الصداع للوداد مع ليطوال وطلال: ما عندنا حتى علاقة فهادكشي اللي وقع فلونتريمو

فريق النجم الساحلي وقع ليه مشكل كبير فلونتيرمو البارح الخميس بملعب مركب محمد الخامس فالدار البيضاء، استعدادا للمباراة اللي فادي تجمعو غدا السبت، برسم ذهاب ربع نهائي دوري ابطال إفريقيا.
الفريق التونسي ما تقبلش يتمتع من حصة تدريبية، لأن قانون المسابقة كيعطيه الحق في التدريب دون أدنى مشاكل او مضايقات.
شكون اللي عندو مصلحة فهاد الصداع، خصوصا بعدما أكد محمد طلال، عضو مكتب الوداد البيضاوي، أن فريقه ما عندو حتى علاقة في هاد المنع أو الترخيص للفريق التونسي من أجل التدرب على أرضية المركب، لهذا كل الاتهامات موجهة لشركة كازا إيفنت، لأنها مسؤولة عن المنع.
وكشفت مصادر “كود” أن مسؤولي كازا إيفنت سدوا الباب على النجم الساحلي، بداعي أن الگازو غادي يتضرر بسبب كثرة التداريب والمباريات، خصوصا أن ملعب دونور غادي يحتضن اليوم الجمعة ماتش الرجاء ومازيمبي مع الثمنية ديال العشية، برسم ربع نهائي دوري الأبطال.
واضطر مسؤولو النجم الساحلي إلى الانتظار قدام الملعب لساعة تقريبا، الشي اللي جعلهم يتصلوا بمندوب ديال الكاف، واللي رغم الشركة تحل الباب أمام لاعبي ليطوال.