مدرب مولودية الجزائر: غادي نربحو الرجاء باش ندخلو التاريخ

محمد ميخازني، مدرب مولودية الجزائر أكد أن فريقو مستعد للماتش ديال الرجاء البيضاوي اليوم السبت بملعب مصطفى تشاكر مع الثمنية ديال العشية، برسم ذهاب ربع نهائي كأس محمد السادس للأندية الأبطال.
و كشف مدرب مولودية الجزائر أن الربح على الرجا أصبح ضروري باش يدخل فريقو التاريخ من بابه الواسع، مضيفا أن الماتش غادي يتلعب فشوطين واحد فالجزائر، والثاني فالدار البيضاء.
وحسب مخازني فإن الماتش ما غاديش يكون ساهل على الاطلاق “غادي نحاولوا باش ما نخطؤوش فالذهاب، والهدف الأساسي بالنسبة لينا هو التأهل لأول مرة فتاريخ المولودية إلى دومي فينال ديال البطولة العربية”.
وأكد ميخازني بلي القريقان كيعرفو بعضيتهم، الشيء لي غادي يساعدهم باش يقدموا ماتش مزيان.