فرانسوا ريبت ديجا ولى ممثل مفوضية اللاجئين بالمغرب. دوز سوريا والعراق: ها تصوري للعمل هنا

كود كازا //
المغرب ولى عندو ممثل جديد للمفوضية السامية للأمم المتحدة للاجئين. اللي تعين وبدا خدمتو هو فرانسوا ريبت-ديجا. وهاد المسؤول كان نائب المدير الإقليمي للشرق الأوسط و إفريقيا الشمالية وكان هو المسؤول على سوريا و العراق. المغرب مع ولى بلد الاستقبال٬ المفوضية السامية للاجئين كترسل ليه ناس عندهم خبرة كبيرة. ففرانسوا ريبت ديجا جايب معاه للرباط 24 عام دالخبرة. دوز مناصب مهمة بزاف منها منسق الأمم المتحدة في أفغانستان.
هاد الفرنسي الاصل والايرلندي الجنسية تسلم مهامو فبلادنا الشهر اللي فايت. السيد عاجبو الحال بهاد المنصب. اذ صرح “انا فرحان بزاف بإستلام مهامي فالمغرب. هاد لبلاد خدات مقاربة إنسانية لتدبير الهجرة واللجوء. يشهد ليه بمجهوداتو الجبارة و تفرد تجربتو على الصعيد الإقليمي”.
فرانسوا جاي بتصور جديد غادي يشتغل أكثر على تعزيز العلاقات مع الدولة و القطاع الخاص في إطار الإستراتيجة الوطنية للهجرة و اللجوء اللي عطات إشعاع على المستوى العالمي و شكروها مسؤولين الأمم المتحدة في الملتقى العالمي ديال اللاجئين و شيدو بالمجهودات ديالها فالسيت ويب العالمي ديال مفوضية الأمم المتحدة للاجئين.
هادشي كيبين على الدور الجيوستراتيجي و جيوسياسي ديال المغرب في تسيير ملف اللاجئين و المهاجرين في المنطقة.