المفوض الأممي للاجئين: “سياسة المغرب ف مجال اللجوء و الهجرة نموذجية”

قال فيليبو كراندي المفوض السامي للاجئين ديال الامم المتحدة ف جنيف ، ان سياسة اللجوء و الهجرة اللي متبعها المغرب مزيانة و هي نموذجية ف هاد المجال.
المفوض السامي قال هادشي وهو كايعلق على كلمة الممثل الدائم للمغرب ف مكاتب الامم المتحدة ف جنيف السفير عمر زنيبر، و اضاف انه فخور بالتعاون بين المملكة و المفوضية ف هاد المجال و ان قانون اللجوء اللي كايعتمدو المغرب كايبقا نموذجي و انه كايهنأ المغرب على التحركات الانسانية اللي كايدير ف العالم.
للتذكير ف الصحافة العالمية كلها كتهضر غير على الرفض المغربي للمقترح الاوروبي لبناء مراكز مغلقة يتجمعو فيها اللاجئين و الحراكة ف المغرب كما وقع عف تركيا، وهو اقتراح اعتبرو وزير الخارجية بوريطة غير انساني و مضاد للسيادة المغربية.