منتخب فوت صال شبعان عراضة بعد اللقب.. عامل القنيطرة استقبلهم ومنخرط سابق عرضهم للعشا وأكاديمية شبو غادي تدير ليهم حفل شاي

المنتخب الوطني لكرة القدم داخل القاعة شبعان عراضات عاد الليامات بعد الفوز بلقب كأس إفريقيا للأمم اللي تنظمات فالعيون.
عامل إقليم القنيطرة كان هو الاول اللي استقبل لعابة ديال المنتخب ومدربهم هشام الدكبك، في مقر العمالة نهار الجمعة.
واستغل فؤاد المحمدي هاد الفرصة ونوه بإنجاز المنتخب الوطني واللعابة والمدرب الدگيك، وتمنى ليهم المزيد من التألق والنجاح.
وحضر حفل الاستقبال مسؤولين ورياضيين،
ومن بعد هاد الاحتفال، كان المنتخب الوطني معروض للعشا اقامه على شرفهم منخرط سابق بالنادي القنيطري.
أكاديمية يوسف شيبو، لاعب المنتخب الوطني قررت توجه دعوة خاصة لأعضاء منتخب فوت صال غدا الاحد، حتى يتسنى لصغار الأكاديمية لقاء اللعابة ديال المنتخب ومدربهم، قبل إقامة على شرفهم حفل شاي.
وما شي بعيد عصبة الشمال ومدينة طنجة تنظم حفل استقبال على شرف منتخب فوت صال.
وتجدر الإشارة إلى أن أغلب اللعابة ديال المنتخب ينتمون إلى مدينة القنيطرة، اللي مزدهرة فيها هاد اللعبة، كما أن المدرب الدكيك والطاقم ديالو موجودين حتى هوما في القنيطرة.